انت مبسوط من حياتك

كتير مننا مش مبسوط من حياته
ونفسه يتغير ويغير منها كتير ومتمسك اوي باغنية سعد الصغير اتخنقت لا زهقت الى باقي الاغنيه
طب تعالو نشوف ايه هي مقاييس السعاده عشان نعرف احنا سعداء ولا لاء
طبعا المقاييس بتختلف من شخص لشخص لكن على العموم ومن وجهة نظري المتواضعه هي كالاتي
ازاي اعرف انا سعيد ولا لاء
عشان تجاوب على السؤال ده لازم تعرف ان سعادتك في اسعادك للاخرين
ياعني مثلا وانت رايح تجيب النتيجه ونجحت الحمد لله اه فرحان لكن كل همك انك تجري وتطير وتفرح اهلك عشان تشوف لحظة فرح في عينيهم
مثال تاني
ان شاء الله كده لما تكبر وتخلف ولد او وبنت زي القمر نفسك تعمل اي حاجه تفرحهم وتشوف ضحكه على وشهم النونو ده
بص باختصار كده
عايز تبقى سعيد
عود نفسك ان السعاده هي في اسعاد الاخرين
امك ابوك اخوك مراتك جوزك ابنك بنتك صحابك
هتستريح وهتحب الحياه
لكن متجيش مش طايق الناس ومش طايق نفسك وتقولي الحياه وحشه
انا مش بقول الحياه حلوة اوي ياعني طبعا فيها مشاكل كتير
بس صدقنتي كتير اوي واجه المشاكل وعداها برحمة ربنا سبحانه وتعالى زمبسوط في حياته
لاانت اول ولا اخر واحد هتحصله مشاكل لكن قليل اوي اللي حصله مشاكل ووقف يواجهها
واجه مشاكلك اسعد غيرك حبب الناس فيك
بس الاول خلي ربنا يحبك
ومتبعدش عنه
اعمل ده وابقى اسمع اغنية اتخنقت تاني هتلاقيها اغنيه ملهاش اي لازمه لانك هتسمعها باذان تانيه غير الاولانيه
ربنا معاك ومعايا
ياارب اجعلنا من السعداء في الدنيا والاخره
وانر لنا قلوبنا وحببنا في الدنيا لاننا نعبدك فيها لا لانها متاع
عاشق الشهاده

بسم الله الرحمن الرحيم احنا هنتكلم بصراحه مفيش حد مبسوط من حياته لان مفيش يخلو من المشاكل ولا من المتاعب ان كان فى الشغل او حياتك الاجتماعيه او الماديه و بعدين زى ما قال عاشق الشهاده ان انتا لازم تحب الناس اولا و تحبب الناس فيك و اهم حاجه رضا الوالدين و الاقارب و شكرا يا عاشق الشهاده على مواضيعك الهامه دى بجد